Joao Felix është intervistuar nga media spanjolle “AS”, aty ku ndër të tjera tregoi edhe arsyet e tij të forta që e bindën të nënshkruajë me Atletico Madrid, duke hedhur poshtë ofertat e ardhura nga Real Madrid dhe Manchester City.

“Është e vërtetë se kisha shumë oferta, por Atletico është një klub ku punohet shumë mirë, i formon shumë mirë lojtarët. Kam parë mënyrën sesi Simeone punon me lojtarët, ai di të punojë shumë mirë me sulmuesit dhe kjo më bindi të zgjedh Atleticon”, ka thënë Felix.

“Me Simeonen kam folur vetëm një herë në telefon. Ai më tha se do të më mësojë shumë dhe që do të më ndihmojë për t’u rritur dhe për të bërë gjëra të tjera që unë kam shumë për të përmirësuar”, ka deklaruar Felix.