Lojtari i FC Barcelona, Joao Felix, në një intervistë dhënë për “Tot Costa” në “Catalunya Radio” ka folur për bashkëkombësin e tij, Bernardo Silva.

Sipas tij, ai e ka bindur lojtarin e Manchester City t’i bashkohet ekipit të Barcelonës.

“Mendoj se e kam bindur që t’i bashkohet Barçës”.

“Gjithçka që kam thënë është e vërtetë dhe nëse ai vjen do të kënaqen me të”, ka thënë  ai, raporton “BESOCCER”.

Ai ka përsëritur ai se bashkëkombësi i tij ka qenë i interesuar për tema të ndryshme si klubi, qyteti dhe vendi.

“Më pyeti pak për gjithçka dhe unë i thashë për çështjet e taksave, sepse kështu më erdhi në mendje”, ka thënë Felix.

Nga ana tjetër, Felix është pyetur për të ardhmen e tij, ku ai ka thënë se nëse do të ishte në dorën e tij do të qëndronte në Barcelonë:

“Jam shumë i lumtur. Familja ime është mirë. E dua klubin, i dua njerëzit. Dhoma e zhveshjes është e jashtëzakonshme dhe jam shumë i lumtur këtu”, ka thënë Felix.