BB VIP – Loja e radhës në “Big Brother VIP” kishte në fokus tema sociale për të cilat banorët duhet të diskutonin dhe të hapnin debat me njëri-tjetrin.

“Adoptimi nga çiftet homoseksualë” ishte tema e cila i ra Beniadës dhe Beatrixi, ku kjo e fundit e tha troç që është “kundër”.

Sipas saj, në rritjen e një fëmije duhet të jenë të pranishëm si figura atërore dhe ajo e nënës.

Këngëtarja e njohur shtoi se është e pamundur që dashurinë dhe dhembshurinë që mund ta mësojë nga nëna t’ia falin dy burra.

“Mendoj që kur të sjellësh në jetë një fëmijë duhet të rritet me dashurinë e mamit dhe të babit. Mendoj se është e pamundur që nga dy burra të marrë edukatën dhe mënyrën se si mund të ndihen nga një mama”, tha ajo.