Arijanet Muriq është padyshim në mesin e lojtarëve më të kërkuar në këtë verë, sidomos pas sezonit që kishte me Burnley.

Skuadra që drejtohet nga Vincent Kompany ia doli të rikthehej në Ligën Premier, duke e fituar Championshipin.

Gardiani i Përfaqësues së Kosovës ishte padyshim njëri ndër më meritoret me pritjet e tij për të ndihmuar skuadrën që të rikthehet në elitën e futbollit Anglez.

Andaj, kjo formë e tij ka zgjuar interesimin e shumë skuadrave, në mesin e tyre është edhe Fenerbahçe, raporton AS.

Klubi turk ka filluar bisedimet me Burnleyn për transferimin e 24-vjeçarit, mirëpo janë në dijeni se është tejet e vështirë.

Kompany e sheh Muriçin si pjesë kyçe të planeve të tij, ndërsa ky i fundit vështirë se do të largohej nga Anglia për të luajtur në Turqi.

Mirëpo, një ofertë e lartë do të ndryshonte mendjen e bordit të klubit anglez, që mund të vendosnin për shitjen e portierit.

?? Fenerbahçe started official talks with Burnley for 24-year-old goalkeeper Arijanet Muric

[@asmarcatr]#twitterclarets pic.twitter.com/iTRcNradFA

— Burnley Mundial Podcast ?️ (@BurnleyMundial) July 4, 2023