Kryetari i Komunës së Istogut, Ilir Ferati bashkë me përfaqësuesit e organizatave dhe klubeve sportive të Komunës së Istogut, ka nënshkruar kontratat për subvencionimin e këtyre klubeve.

“Nën qeverisjen tonë Rinia, Sporti dhe Kultura do të kenë mbështetje të vazhdueshme për aktivitet kulturore e sportive”, ka thënë kryetari Ferati, ai poashtu uroi përfituesit e subvencioneve gjersa i uroj edhe për suksese të reja gjatë viteve të ardhshme.

Përfaqësuesit e klubeve sportive kanë falënderuar kryetarin Ferati për përkrahjen, duke theksuar që kjo është edhe një ndihmesë shtesë që po ju bëhet klubeve sportive në Istog.