Sadri Ferati nga Lidhja Demokratike e Kosovës ka folur për kandidaturat e reja për kryetar të kësaj partie.

Ai nuk ka shprehur ndonjë preferencë të tij, teksa ka folur edhe për përçarjet brenda LDK-së që nga viti 2006.

Ferati është pyetur edhe për largimin e Donika Gërvallës nga mbledhja e LDK-së në vitin 2016, video e cila ishte bërë virale në media.

“Nuk dua të rrëshqasim nga ajo temë, por duhet të përmendet se aty brenda kanë marrë pjesë delegatët e LDK-së dhe Gërvalla nuk ka qenë delegate. Është e pahijshme ajo çfarë ka ndodh, por duhet ta themi të vërtetën se Gërvalla ka kërkuar të futet brenda pa qenë fare delegate dhe për atë është larguar”, ka thënë Ferati në RTV Dukagjini.