Kanë përfunduar edhe dy ndeshjet e sotme në Superligën e Kosovës në futboll.

Ferizaj arriti të shënojë fitore të madhe, duke e mposhtur minimalisht 1:0 Prishtinën në shtëpi.

Ishte Albion Kurtaj që realizoi në minutën e 11-të të ndeshjes, e që në fund doli edhe të ishte gol i fitores. Me këtë triumf, Ferizaj tani ngjitet në vendin e shtatë me 26 pikë, aq sa ka edhe Suhareka.

Në anën tjetër, Prishtina mbetet e katërta me 29 pikë gjithsej. Pa fitues dhe pa gola u mbyll ndeshja tjetër mes Dukagjinit dhe Gjilanit, e zhvilluar në Klinë.

Pjesa e dytë ishte shumë aktive me raste shënimi, sidomos nga Dukagjini, por që portat mbetën të paprekura. Me këtë barazim, Dukagjini ka 25 pikë në vendin e tetë që dërgon në barazh. Në anën tjetër, Gjilani shkon në 28 pikë në vendin e pestë.