Komuna e Ferizajt u ka ndarë shpezëtarëve të kësaj komune makina për vulosjen e vezëve.

Kryetari i Ferizajt, Agim Aliu është shprehur se ky investim do të ndihmojë në garantimin e sigurisë ushqimore.

“Në kuadër të mbështetjes së shumanshme të bujqve dhe fermerëve ferizajas nga Drejtoria e Bujqësisë, ndamë makinat për vulosjen e vezëve, duke investuar mbi të gjitha në një segment të rëndësishëm të sigurisë ushqimore e po ashtu duke përfshirë shpezëtarët në skemën tonë mbështetëse në këtë degë të rëndësishme të shëndetit dhe ekonomisë”, ka shkruar Aliu në “Facebook”.