Sezoni i dytë i “show”-t “Ferma VIP”, i cili do të jetë nën moderimin e Luana Vjollcës, pritet të nisë së shpejti.

Emra të shumtë përfliten se do të jenë pjesë e fermës. Burime për “Anabel.al” kanë konfirmuar dy emrat e parë pjesë e “Fermës VIP”, të cilët janë këngëtarja Enca Haxhiu dhe reperi Fero (Feronit Shabani).

Në media janë përfolur edhe emra të tjerë që mund të jenë pjesë e fermës, si Alba Pollozhani, Big Basta, Frederik Ndoci, Erand Sojli dhe Olsi Bylyku.

“Ferma VIP” është një program “reality” që mbledh në këtë rast personazhe të njohura për publikun shqiptar, duke i sprovuar ata në situata të ndryshme që përfshijnë sfida nga të jetuarit në fermë dhe jo vetëm.

Ky “reality” zhvillohet në “Vizion Plus” dhe transmetohet në platformën “Tring”.