Skuadra e Feronikelit është këndellur dhe ka shënuar fitore në derbi ndaj Llapit (1-0). Ndërsa në anën tjetër skuadra nga Podujeva i rikthehet rezultateve negative.

Në pjesën e parë rastet nuk munguan për të dyja skuadrat, por gola nuk pati. Në minutën e 54-të, Yll Hoxha me një gjuajtje nga largësia shënoi për 1-0. Llapi rrezikon dy herë pas një ore lojë, por Zhdrella dhe Januzi nuk arritën të barazojnë rezultatin. Në minutën e 65-të, Mentor Zhdrella provon nga gjuajtja e lirë, por topi përfundon mbi portën e portierit vendas.

Sulmuesi Ahmed Januzi e pati edhe një rast për të shënuar, i cili përfundoi jashtë. Edhe Dabiqaj i vendasve pati një rast të mirë, derisa Prenqi bën një ndërhyrje fantastike. Ndeshja përfundoi me rezultat 1-0. Kjo është fitorja e parë për trajnerin Klodian Duro në krye të Feronikelit, derisa klubi nga Drenasi tash ka 10 pikë dhe zë vendin e nëntë në renditjen tabelore. Llapi është në pozitën e parafundit me vetë 5 pikë.

(V.Z / Epoka e re)