Hapja e stadiumit në kryeqytet po pritet me interesim të jashtëzakonshëm, pasi tash e tutje do ta bartë emrin e legjendës së futbollit dhe ish-kryetarit të Federatës së Futbollit të Kosovës, Fadil Vokrri, por edhe për faktin se në këtë ndeshje të pranishëm do të jenë inspektorët e FIFA-s për inspektim, prandaj FFK-ja ka bërë thirrje që më 28 korrik të mbushet stadiumi me adhurues të futbollit.

Krahas punëve në përfundim e sipër, në stadiumin “Fadil Vokrri” po vazhdojnë edhe përgatitjet për ndeshjen testuese të 28 korrikut, e cila do të zhvillohet ndërmjet veteranëve të KF Flamurtarit nga Vlora, veteranëve të FC Prishtina dhe një ekip i përbërë nga politika dhe estrada. Tashmë dihen pjesëmarrësit nga Shqipëria dhe të Klubit Prishtina sikur edhe njerëzit nga politika dhe disa emra nga estrada. Edhe në opinion po mbretëron një interesim i madh për faktin që tash e dy vjet stadiumi i qytetit ka qenë në rinovim dhe se ky stadium do ta mbajë emrin e legjendës së futbollit dhe ish-presidentit të FFK-së, Fadil Vokrri. Ndeshjet do të zhvillohen prej orës 20:00 nën dritat e reflektorëve që i japin hijeshi shtesë stadiumit buzë Arbërisë. “U bëjmë thirrje të gjithë adhuruesve të jenë në numër sa më të madh, kurse hyrja është falas dhe tash stadiumi ofron komoditet të madh. Po ashtu, numri i madh i shikuesve do të jetë edhe një nga testet që do të ketë ky stadium nga inspektorët e UEFA-s e të cilët do ta japin licencën për t’u zhvilluar ndeshjet kualifikuese për Ligën e Kombeve që fillojnë në shtator”, thuhet në njoftimin e FFK-së. Në këtë ndeshje do të luajnë disa nga yjet e futbollit të viteve ’80 e ’90 nga Shqipëria dhe Kosova.

KF Flamurtari

1. Vasil Ruçi
2. Perlat Musta
3. Artur Lekbello
4. Kreshnik Cipi
5. Rrapo Taho
6. Roland Iliadhi
7. Vangjel Laluci
8. Përparim Lushaj
9. Qerem Memushi
10. Dritran Resuli
11. Latif Gjondeda
12. Dritan Sadedini
13. Gert Haxhiu
14. Fjodor Xhafa
15. Saimir Haxhiu
16. Koto Zilja
17. Roland Meli
18. Rexhep Rexhepi
19. Gentian Mezani

FC Prishtina

1.Shukri Paqarada

2.Ahmet Beselica

3. Arbnor Morina
4. Nazmi Rama
5. Isa Sadriu
6. Fadil Berisha
7. Eroll Salihu
8. Muharrem Sahiti
9. Besnik Kollari
10. Adil Vokrri
11. Sunaj Keçi
12. Kushtrim Munishi
13. Suad Keçi
14. Bedredin Gjinali
15. Abdyl Bellopoja
16. Arsim Abazi
17. Fatmir Namani
18. Ramiz Krasniqi
19. Afrim Toverlani
20. Gramoz Vokrri

Shtabi teknik

1. Ajet Shosholli
2. Shfeshet Sinani
3. Ramdan Cimili
4. Jusuf Tortoshi

Ekip i Politikës dhe Estradës

Politika

1. Kujtim Gashi (PDK)
2. Bekim Haxhiu (PDK)
3. Armend Zemaj (LDK)
4. Ahmet Isufi (AAK)
5. Rasim Demiri (AAK)
6. Bilall Sherifi (NISMA)
7. Shpend Ahmeti(PSD)
8. Dardan Sejdiu (PSD)
9. Abert Kinolli (PRO+6)

Estrada

1. Meda
2. Blero
3. Osman Azemi
4. Ermali
5. DJ PM
6. DJ DAGZ
7. Mensur Safçiu
8. UKI
9. Esheref Durmishi
10. Armedn Ismajli
11. Vedat Bajrami

/Epoka e re/