Komisioni Disiplinor i Federatës së Futbollit të Kosovës e ka dënuar futbollistin e skuadrës së Rinisë nga Miradia, Burhan Berjani me dy vjet mos lojë, për shkak të sulmit që ai bëri ndaj gjyqtarit.

Ndërsa bashkëlojtari i Berjanit, Fitim Krasniqi u dënua me 6 muaj suspendim, pasi u identifikua si pjesëmarrës në ndërprerjen e ndeshjes së javës së IV-të të Ligës së Dytë të Kosovës në futboll për kategorinë e seniorëve grupi; B; Rinia – Kosova (P) e zhvilluar në Miradi të Fushë Kosovës.