Federata e Futbollit e Kosovës (FFK) dhe TEB Bank sot nënshkruan një marrëveshje për të vazhduar bashkëpunimin dhe mbështetjen e më tejme të TEB Bankës për FFK-në.

Drejtori i përgjithshëm i TEB Bankës, Orçun Ozdemir, ka thënë se ndjehet i lumtur që po vazhdon bashkëpunimin me Federatën e Futbollit të Kosovës, si një nga federatat më të mëdha në Kosovë dhe që do ta ndihmojnë edhe më tutje Përfaqësuesen A të Kosovës, drejt zhvillimit të saj. “Me FFK-në deri me tash kemi pasur një bashkëpunim shumë të mirë dhe korrekt e besojë që kjo do të vazhdojë edhe në të ardhmen”, ka thënë Ozdemir. Në anën tjetër sekretari i Përgjithshëm i FFK-së, Eroll Salihu, e falënderoi TEB Bankën për mbështetje të vazhdueshme.

“TEB Banka është treguar një partner i shkëlqyeshëm dhe strategjik për neve dhe ndjehem jashtëzakonisht i lumtur që bashkëpunimi do të vazhdojë edhe në të ardhmen”, ka deklaruar Salihu. Ndërsa kapiteni i Përfaqësues së Kosovës, Samir Ujkani ka deklaruar: “Është kënaqësi dhe nder për neve që ta kemi mbështetje dhe sponsor një bankë kaq me renome si TEB Bank”.