Kanë filluar punimet për ndërtimin e objektit të zhveshtoreve në stadiumin “Demush Mavraj” në Istog.

Kjo do të jetë faza e parë e ndërtimit për këtë vit. Vitin e ardhshëm do të vazhdohet me fazën e dytë (II). Në fazën e parë do të përfshihet kati i parë, ku do të jenë zhveshtorët për futbollistë, zhveshtorët për gjyqtarë, zyra për delegat, administrata, dhoma për doping, dhoma për fizioterapeut dhe këndi për fitnes.

Me kompletimin e tërësishëm të projektit, do të plotësohen kriteret strukturore të UEFA-së. Ky projekt financohet nga Komuna e Istogut.

Në foto mund ta shihni se si do të duket stadiumi “Demush Mavraj” pasi të kompletohet tërësisht ky projekt.