Kryetari i Komunës së Prizrenit, Shaqir Totaj, ka bërë me dije se ka filluar aksioni i Drejtorisë së Shërbimeve Publike për shenjëzimin vertikal të rrugëve brenda qytetit, i cili projekt do të vazhdojë edhe në fshatra.

Totaj ka thënë se shenjëzimi i duhur përveç që ndihmon në orientim, është i rëndësishëm edhe për sigurinë e të gjithë pjesëtarëve në komunikacion.

“Investimi në përmirësimin e infrastrukturës rrugore parasheh edhe sinjalizimin vertikal e horizontal të rrugëve”, ka thënë Totaj.