Komuna e Malishevës ka njoftuar se të hënën ka filluar asfaltimi i një rruge të gjatë afro dy kilometra në fshatin Carrallukë, e cila sipas kësaj komune ka rëndësi të madhe për banorët  e këtij fshati.

Në fillim e asfaltimit të kësaj rruge ishte i pranishëm, drejtori i Urbanizmit, Ahmet Morina, me bashkëpunëtorë, ku me këtë rast ka uruar banorët  e fshatit Carrallukë  të cilët prej tani do ta kenë më  të lehtë qarkullimin e tyre rrugor.

“Kjo rrugë është e gjatë afro  dy kilometra e cila do t’u shërbejë fshatarëve dhe tashmë infrastruktura rrugore, jo vetën në fshatin Carrallukë, por në shumicën e fshatrave të Komunës së Malishevës është  në përfundim e sipër. Ky tregues është treguesi i cili tregon për punët e qeverisjes lokale dhe angazhimin që ka  në realizimin e planit dinamik sa i përket infrastrukturës rrugore në të gjitha fshatrat e komunës sonë, pra jemi në fazën më dinamike të punëve  dhe projekteve infrastrukturore për vitin 2021”, ka thënë Morina.