![](https://www.epokaere.com/wp-content/uploads/2019/12/876213FB-5457-42F3-9D6C-87335F4A55C0.jpeg)
Fillon intervistimi i Smajl Latifit nga Gjykata Speciale
Kryetari i Rahovecit, ish-komandant i UÇK-së, Smajl Latifi, ka hyrë për intervistim nga dhomat e Specializuara të Gjykatës Speciale.
Ekonomia Online merr vesh se ish-komandanti i UÇK-së, do të merret në pyetje për luftën në rrethinën e Rahovecit.
Gjatë kohës së luftës, kreu i Rahovecit ka qenë një prej komandantëve në zonën e Rahovecit.
Thirrjen për intervistim nga Specialja, Latifi e kishte bërë të ditur në muajin tetor të këtij viti.
Megjithëse për intervistim janë ftuar dhjetëra persona, Gjykata Speciale ende nuk ka ngritur ndonjë aktakuzë. Gjykata Speciale e themeluar në vitin 2015 nga Kuvendi i Kosovës, do t’i hetojë krimet që pretendohet se janë kryer nga shqiptarët gjatë luftës së fundit në Kosovë.
Me 82 vota për, 5 kundër dhe 1 abstenim, deputetët patën votuar ndryshimet e nevojshme kushtetuese të cilat i kishin hapur rrugë themelimit të kësaj gjykate të kërkuar nga bashkësia ndërkombëtare.