Në kuadër të projektit të mirëmbajtjes së hapësirave publike në Komunën e Mitrovicës, të martën ka filluar procesi i krasitjes së pemëve dhe drunjve dekorativ në hapësirat gjelbëruese në qytetin e Mitrovicës.

Këtë proces nga afër e kanë përcjellë nënkryetari i komunës, Arian Tahiri, së bashku me drejtorin e Drejtorisë për Shërbime Publike dhe Infrastrukturë, Granit Tmava.

Me këtë rast, nënkryetari Tahiri ka theksuar se komuna do t’i kushtojë vëmendje të veçantë hapësirave gjelbëruese në mënyrë që ambienti i qytetit të ketë pamje edhe më të mirë.

Ndërsa drejtori Tmava ka bërë me dije se Drejtoria për Shërbime Publike nga java e ardhshme do të fillojë me mbjelljen e luleve dhe drunjve tjerë dekorativ.