Kur kanë kaluar më shumë se dy javë prej se është mbyllur karantina, në Qendrën e Studentëve në Prishtinë ka filluar renovimi i konvikteve.

Lajmin e ka bërë me dije Qendra e Studentëve nëpërmjet faqes zyrtare të saj në “Facebook”.

“Qendra e Studentëve në kuadër të planifikimeve për investime në vitin 2020 në përmirësimin e cilësisë së jetës së studentëve, ka filluar punimet në të gjitha hapësirat e jashtme dhe të brendshme në kampusin e konvikteve. Në konviktin nr. 5 ka filluar gëlqerosja në të gjitha hapësirat e brendshme, rregullimi i mureve, ndriçimi, rregullimi dhe mirëmbajtja e nyejve sanitare. Po ashtu ne konviktin nr. 2 ka filluar rregullimi i të gjitha banjove dhe nyejve sanitare. Gjatë këtij viti Qendra e Studentëve do të vazhdojë edhe me projekte të tjera”, ka njoftuar Qendra e Studentëve.