Shtatorja e komandantit legjendar të Ushtrisë Çlirimtare të Kosovës (UÇK), Adem Jashari, sot është finalizuar. Lajmin e ka bërë me dije kryetari i komunës së Drenasit, Ramiz Lladrovci.

“Sot, është finalizuar në argjilë shtatorja e komandantit legjendar, Adem Jashari! Pas realizimit të shtatoreve në argjilë, shtatoret e Bacit Shaban, Hamzës dhe komandantit legjendar Adem Jasharit do të filloj procedura e bartjes në bronz. Më 28 Nëntor 2019, në Sheshin ‘Fehmi Lladrovci’ në Drenas do të vendosen edhe fizikisht në mesin tonë, për të ligjëruar për lirinë tonë, për kombin tonë – me lavdinë e vet të përjetshme”, ka shkruar Lladrovci në llogarinë e vet në “Facebook”.

/Epoka e re/