Skuadra e Liverpoolit është pranë rinovimit të kontratës me sulmuesin brazilian Roberto Firmino. 31-vjeçari luan me “Reds” që prej vitit 2015, duke qenë një nga titullarët e padiskutueshëm.

Gjithsesi, afrimet e disa sulmuesve të tjerë kanë nxjerrë disi në plan të dytë Firmino, që pavarësisht kësaj bind me paraqitjet e tij.

Ndaj, klubi ka vendosur t’ia rinovojë me dy sezone të tjera kontratën që i skadon në fund të këtij sezoni. Kohët e fundit janë bërë shumë spekulime për një largim të sulmuesit, që kishte oferta nga Arabia Saudite. Kontrata e re pritet të ketë një ulje të rrogës së Firmino, që do të vijojë të luajë në Premierligë.