Qeveria qendrore e Sirisë ka arritur një marrëveshje me autoritetin e udhëhequr nga kurdët që kontrollon verilindjen e vendit, duke përfshirë një armëpushim dhe bashkimin e forcës kryesore të mbështetur nga SHBA-ja, në ushtrinë siriane.

Marrëveshja u nënshkrua të hënën nga presidenti i përkohshëm Ahmad al-Sharaa dhe Mazloum Abdi, komandanti i Forcave Demokratike Siriane të udhëhequra nga kurdët, të mbështetur nga Shtetet e Bashkuara.

Marrëveshja shënon një përparim të madh që mund të çojë pjesën më të madhe të Sirisë nën kontrollin e qeverisë së udhëhequr nga grupi që udhëhoqi rrëzimin e Presidentit Bashar Assad në dhjetor.

Marrëveshja që do të zbatohet deri në fund të vitit do të sjellë nën kontrollin e qeverisë qendrore të gjitha pikat kufitare me Irakun dhe Turqinë në verilindje, aeroportet dhe fushat e naftës.

Kurdët e Sirisë do të fitojnë të drejtat e tyre duke përfshirë mësimdhënien dhe përdorimin e gjuhës së tyre, të cilat ishin të ndaluara për dekada nën Asad.