Nuk ndalet rrugëtimi i ekipit të Brooklynit, që është skuadra më e mirë momentalisht në NBA. Nets korrën fitoren e 9-të radhazi, duke mundur 125-117 Cleveland dhe ngjiten në vendin e tretë në Lindje.

Irving dhe Durant realizuan nga 32 pikë secili, duke bërë diferencën në fushë. Pas kohës shtesë fiton ekipi i Clippersave, që mundi me rezultat 142-131 Detroitin jashtë fushe. Ndeshje spektakolare, ku për miqtë u dallua Paul George me 32 pikë e 11 asistime. Fiton edhe Miami, që mundi me rezultat 113-110 Minnesotan, sfidë ku diferencën e bëri stoli i ekipit nga Florida, nga ku erdhën 45 pikë.

New Orleans ngjitet në vendin e dytë në Perëndim pas fitores me rezultat 113-93 ndaj Indianan, duke rritur pretendimet. Sfidë ku për vendasit u dallua Marshall me 22 pikë. Fitore të lehtë korri Houstoni, që mundi me shifrat 133-118 Chicago (Porter Jr.33 pikë), ndërsa Portlandi, falë 32 pikëve e 10 rebound të Grant, mundi 124-113 Charlotte.

Rezultatet

Cleveland – Brooklyn          117-125
Detroit – Clippers                131-142
Miami – Minnesota             113-110
Chicago – Houston              118-133
New Orleans – Indiana       113-93
San Antonio – Utah Jazz   126-122
Portland – Charlotte           124-113