Skuadra e Phoenixit fitoi me lehtësi 130-104 ndaj Lakersave, ndeshje ku munguan LeBron James e Anthony Davis. Më i miri për Lakersat mbeti Schroder, me 30 pikë, por që mbetën për statistikë. Për Phoenixin, të gjithë titullarët realizuan mbi 10 pikë, me Chris Paul protagonist me 28 pikë. Një ndeshje të jashtëzakonshme ka bërë Giannis Antetokounmpo, që realizoi 42 pikë e 10 rebound në fitoren me rezultat 128-119 të Milwaukee ndaj New Orleans.

Mirë u paraqit për Bucks edhe Lopez me 30 pikë, ndërsa 37 pikët dhe 18 rebound të Valanciunas për vendasit nuk mjaftuan për të evituar humbjen.

Minnesota, falë 54 pikëve të dyshes Edwards-Reid mundi me rezultat 116-106 Dallasin, ndërsa San Antonion triumfoi me shifrat 124-105 në fushën e Houstonit, në derbin teksan. U dallua Vassell me 26 pikë, ndërkohë që 52 pikë erdhën nga stoli. Philadelphia fitoi me shifrat 104-101 pas kohës shtesë ndaj Torontos, sfidë ku Embiid realizoi 28 pikë e 11 rebound.

Rezultatet

Cleveland – Utah Jazz              122-99
Philadelphia – Toronto            104-101
Atlanta – Orlando                     126-125
Houston – San Antonio           105-124

Minnesota – Dallas                    116-106
New Orleans – Milwaukee       119-128
Oklahoma – Portland               123-121
Phoenix – Lakers                       130-104
Sacramento – Charlotte           119-125