Kryetari i Komunës së Junikut, Agron Kuçi, i cili është sërish kandidat i AAK-së për kryetar të kësaj komune, ka reaguar në lidhje siç ka thënë ai se familja e tij ditëve të fundit është linçuar, fyer, ofenduar, shantazhuar dhe kërcënuar nga disa media të sponzorizuara e të financuara nga kundërshtarët e tij politikë.

“E kam thënë dhe e përsëris me përgjegjësi të plotë morale, juridike dhe penale qe nuk ka kurrfarë veprimi të kundërligjshëm e asgjë penale, përveç se një skenar i orkestruar nga akterë të caktuar nga kampi i kundërshtarëve politik, të cilëve u janë bashkuar disa individ (miq të kampit kundërshtarë, që janë vënë fatkeqësisht në dispizicion të tyre) nga Policia e Kosovës, Sistemi Prokurorial dhe Gjyqësor, për të na përbaltosur në kohë fushate të zgjedhjeve lokale, me të vetmin qëllim; për të denigruar integritetin tim, bashkëpunëtorëve dhe të familjes sime”, ka shkruar Kuçi në llogarinë e vet në “Facebook”.

Pavarësisht kësaj, Kuçi ftuar qytetarët e Junikut, Degën e Aleancës për Ardhmërinë e Kosovës në Junik, për një fushatë të qetë, të ndershme, të qytetëruar e demokratike.

“Ashtu siç është në nderin, fisnikërinë dhe traditën junikase”, ka shkruar Kuçi, duke shtuar se do të dalë fitues më 14 nëntor.

Postimi i plotë i tij:

Të dashur bashkëqytetarë të Junikut!

Siç edhe e keni vërejtur edhe ju, ditëve të fundit unë dhe familja ime jemi linçuar, fyer, ofenduar, shantazhuar dhe kërcënuar nga disa media të sponzorizuara e të financuara nga kundërshtarët e mi politik dhe qarqe të caktuara politike.
E kam thënë dhe e përsëris me përgjegjësi të plotë morale, juridike dhe penale qe nuk ka kurrfarë veprimi të kundërligjshëm e asgjë penale, përveç se një skenar i orkestruar nga akterë të caktuar nga kampi i kundërshtarëve politik, të cilëve u janë bashkuar disa individ (miq të kampit kundërshtarë, që janë vënë fatkeqësisht në dispizicion të tyre) nga Policia e Kosovës, Sistemi Prokurorial dhe Gjyqësor, për të na përbaltosur në kohë fushate të zgjedhjeve lokale, me të vetmin qëllim; për të denigruar integritetin tim, bashkëpunëtorëve dhe të familjes sime.
Me synimin e vetëm për të marrë fitoren tonë, fitoren e qytetarëve të Junikut.
Deklarohem, se këto veprime, vetëm sa na kanë forcuar, jo vetëm mua, por gjithë simpatizantët e qytetarët bujarë të Junikut, në rrugën tonë, për të dalur triumfues, sepse fitorja nuk arrihet me shantazhe, sulme linçuese, ofendime e fushatë të ndyer!
Fushata bëhet në Junik, dhe për Junikun, ndërsa ne më së miri e njohim njëri tjetrin, ua dimë vlerat njerëzore, intelektuale, familjare e patriotike gjithësecilit prej nesh!
Qytetarët e nderuar të Junikut na njohin më së miri, më mirë se çdo kush tjetër!
Para së gjithash ne jemi bashkëvendas, do jetojmë me nder në Junikun tonë edhe pas datës 14 nëntor.
Unë ftoj qytetarët e Junikut, Degën e Aleancës për Ardhmërinë e Kosovës në Junik, për një fushatë të qetë, shumë të ndershme, të qytetëruar e demokratike, ashtu siç është në nderin, fisnikërinë dhe traditën Junikase.
Juniku para nesh!
Bashkimi jonë, do të jetë fitorja jonë ?
Në aleancë me qytetarët e Junikut, me besim e emër të Zotit, e me përkrahjen e junikasve, ne do të fitojmë me 14 nëntor!
Fitoren tonë, e të qytetarëve të Junikut, nuk ka shantazh që mund ta ndal.
Sinqerisht, i juaji përjetësisht
AgronKuçiJunik