Fitorja e shtatë radhazi për Bostonin, skuadra më e mirë në NBA këtë sezon, që e mposhti me rezultat 122-119 Milwaukeen.

Përballja mes dy ekipeve më të mira në Konferencën e Lindjes ishte mjaft e bukur, me rivalitet deri në fund. Mungesa e Antetokounmpo ndikoi te Bucks, ku u dalluan Lillard me 32 pikë e Portis me 24 pikë. Për Bostonin, më i miri në fushë ishte Tatum me 31 pikë, mbështetur edhe nga White me 23 pikë e Brown me 21 pikë.

Rikthehet te suksesi Golden State, që mundi me shifrat 137-116 Memphisin, ndeshje ku kolektiviteti i Warriors bëri diferencën në fushë, me 7 lojtarë që realizuan mbi 10 pikë. Pa probleme fitojnë edhe Clippersat, që mundën me rezultat 116-103 Portlanin (Goerge 27 pikë).

Në krye të renditjes në Konferencën e Perëndimit ndodhet Oklahoma, që mundi me shifrat 119-107 Utah Jazz, sfidë ku u dallua Holmgren me 35 pikë. Miami, falë 30 pikëve të Jimmy Butler, mundi me shifrat 107-104 Clevelandin jashtë fushe në sekondat e fundit.

Rezultatet

Cleveland – Miami               104-107
Detroit – Indiana                 103-122
Boston – Milwaukee            122-119
Toronto – Sacramento        89-123
Oklahoma – Utah Jazz        119-107
Golden State – Memphis    137-116
Phoenix – Philadelphia       115-102
Portland – Clippers              103-116