Mbretëresha Elizabeth II ka dhënë mesazhin e saj për Pashkët të shtunën në një video inkurajuese mes pandemisë së koronavirusit. E ndarë në llogaritë zyrtare të familjes mbretërore britanike një ditë para festës, mbretëresha këmbënguli që Pashkët të mos anulohen. Përkundrazi, ajo ua rikujtoi qytetarëve se është një simbol i besimit ndërsa bota është duke vajtuar.

“Shumë fe kanë festa të cilat festojnë dritën duke kapërcyer errësirën. Rastet e tilla shpesh shoqërohen me ndriçimin e qirinjve. Ata duket se flasin për çdo kulturë dhe u bëjnë thirrje njerëzve të të gjitha besimeve. Ata ndezën në tortat e ditëlindjes dhe shënojnë përvjetorët e familjes. Kur mblidhemi të lumtur rreth një burimi drite, ajo na bashkon”, ka thënë mbretëresha.

“Ndërsa errësira bie të shtunën para Ditës së Pashkëve, shumë të krishterë normalisht do të ndiznin qirinj së bashku. Në kishë, një dritë do të kalonte në një tjetër, duke u përhapur ngadalë dhe pastaj më shpejt pasi ndizen më shumë qirinj. Është një mënyrë për të treguar se si po kalohet lajmi i mirë i ringjalljes së Krishtit nga Pashka e parë nga çdo brez deri më tani”.

Mbretëresha 93-vjeçare u kujtoi britanikëve dhe botës që këtë vit, natyrisht, do të jetë më ndryshe për shkak të masave distancuese dhe urdhrit për të qëndruar në shtëpi, në mënyrë të parandalimit të COVID-19.

“Këtë vit Pashkët do të jenë më ndryshe për shumë prej nesh, por duke qëndruar në distancë ne i mbajmë të tjerët të sigurt. Pashkët nuk do të anulohen. Në të vërtetë ne kemi nevojë për Pashkë sa më shumë. Ne e dimë që koronavirusi nuk do të na mposhtë. Sa e errët të jetë vdekja – veçanërisht për ata që vuajnë nga pikëllimi – drita dhe jeta janë më të mëdha. Flaka e shpresës së Pashkëve të jetë një udhëzues i qëndrueshëm ndërsa përballojmë të ardhmen”, ka thënë mes të tjerash ajo.

Edhe pse mbretëresha nuk figuron në mesazhin dy minutash, e gjitha vëmendja është te zëri i saj teksa kamera është përqendruar në një qiri të bardhë të ndezur. /Telegrafi/

https://www.instagram.com/p/B-2SHEuHhvx/?utm_source=ig_embed&utm_campaign=embed_video_watch_again