Tajson Fjuri do të përballet me Deontei Uaillder këtë të shtunë në Los Anxhelos. Pritjeve të mëdha u ka ardhur fund, dueli i shumëpritur ndërmjet Deontei Uaillder dhe Tajson Fjurit është më afër se kurrë. Dueli ndërmjet midis dy boksierëve do të jetë i vlefshëm për peshat e rënda në WBC.

Në konferencën e fundit për shtyp të dy gjigantët u kapën me njeri-tjetrin, së pari me fjalë dhe më pas tentuan që t’i zgjidhnin hesapet edhe fizikisht. Përballja mes tyre pritet të zhvillohet rreth orës 06:00 të së dielës me kohën tonë lokale, ndërsa fituesi i këtij dueli mund të takohet me Antoni Xhoshua vitin e ardhshëm.