20 persona janë lënduar në një aksident që ka ndodhur gjatë natës në Austri.

Për aksidentin kanë raportuar mediat austriake, derisa kanë shkruar se nuk ka viktima.

Gazeta Blic ka kontaktuar me kompaninë Armendi Tours, derisa autobusi i aksidentuar është i kësaj kompanie.

Ata kanë thënë se nuk dihen ende arsyet e aksidentit, derisa kanë konfirmuar se nuk ka viktima dhe vetëm një person është më rëndë i lënduar, pasi ka thyer këmbën.

“Arsyet e aksidentit nuk dihen ende. Fatmirësisht nuk ka të vdekur e as të lënduar rëndë, përpos një personi i cili ka thyer këmbën. Jemi interesuar menjëherë për gjendjen e pasagjerëve dhe fatmirësisht gjenden jashtë rrezikut për jetë”, kanë thënë nga kompania Armendi Tours.