Kryetari i Federatës së Basketbollit të Kosovës (FBK), Arben Fetahu dhe sekretarja e Përgjithshme e FBK-së, Elvira Dushku kanë pritur në një takim menaxherin në Departamentin e Sporteve të Kosovës, Arsim Thaqi.

FBK-ja ka njoftuar se tema e diskutimit ka qenë bashkëpunimi mes Federatës së Basketbollit dhe Departamentit të Sportit dhe koordinimi sa më i mirë i punëve për të ardhmen.

Kryetari i FBK-së në fund të takimit ia dhuroi një top të lojës së basketbollit 3×3, një fanellë të Përfaqësueses A të Kosovës dhe Udhëzuesin për Trajnerë – Niveli 1, publikimi i të cilit është financuar pikërisht nga MKRS-ja dhe DSK-ja. Federata e Basketbollit e Kosovës falënderon Ministrinë për Kulturë, Rini dhe Sport të Kosovës dhe Departamentin e Sportit të Kosovës për kontributin e dhënë për zhvillimin e sportit tonë të zemrës, basketbollit, në vendin tonë.