Familja Binakaj ka hapur dyert për të pame dhe është duke pritur trupat e pajetë të Valentina Binakaj dhe Erlinda Binakaj që vdiqën ditë më parë në aksidentin që ndodhi në Kroaci.

Trupi i 45-vjeçares Valentina Binakaj dhe i bijës së saj 18-vjeçare Erlinda Binakaj pritet që së shpejti të arrijnë në Kosovë, ku pastaj do të kryhen edhe procedurat e varrimit.

Njëri nga të mbijetuarit e këtij aksidenti tragjik që ndodhi mëngjesin e të dielës në Slavonski Brod të Kroacisë, Fatjon Binakaj, ka folur për atë që ka ndodhur.

Ai ka thënë se jetën ia ka shpëtuar një djalë 16 vjeçar që e ka nxjerrë nga autobusi.

“Mas 20 minutave që kemi fjet e kam dëgju një piskamë edhe ka ra autobusi. Një djalë 16 vjeçar më ka shpëtuar jetën, më ka nxjerrë prej autobusi e mas 20 minutave më ka ardhur vetëdija”.

“Unë nuk kam marrë lëndime shyqyr prej Zotit, më kanë bërë fotografime po mirë jam kanë”, ka deklaruar ai për “T7”.