Abdylfeta Alimi dyshon se në ditën kritike të 27 prillit ishte sistemuar qëllimisht tek portat e Kuvendit. Sipas tij, në atë pozitë ai nuk ishte urdhëruar të paktën 7 muaj. Alimi dyshon se 27 prilli ishte lojë e orkestruar.

“Unë atë ditë isha i sistemuar në atë vend. Mirëpo aty nuk kisha qenë për 7 muaj i sistemuar. Vetëm në ditën kritike. Nuk më ka shkuar në mend për kësi lojëra. Unë mendoj se ishte lojë dhe kam të drejtën e dyshimit. Ora 6 mu dha urdhri ta lëshoj atë vend dhe më sistemoi tek kryetari i Parlamentit. Urdhri ishte verbal. Ashtu funksionon”, deklaroi Feta Alimi në “Rruga drejt…”.

Abdylfeta Alimi i cili më 27 prill të vitit 2017 shpëtoi Ziadin Selën thotë se nuk e kishte imagjinuar asnjëherë se do të përfundonte në burg vetëm se ka shpëtuar një jetë. Sipas tij, drejtësia në raport me të është treguar e njëanshme për arsye sipas tij të panjohura.