Arminia Bielefeld vuri jo pak në vështirësi Bayern Munchenin të hënën në “Allianz Arena”, teksa kaloi edhe në avantazh të dyfishtë, por në fund e detyroi të largohej me vetëm një pikë të fituar, pasi ndeshja përfundoi barazim 3-3.

Tekniku i kampionëve të Gjermanisë, Hansi Flick, vlerësoi kundërshtarin për lojën e bërë dhe theksoi se skuadra e tij ishte e lodhur nga udhëtimet e gjata dhe kalendari i ngjeshur, gjë që u reflektua edhe në fushën e lojës.

“Arminia Bielefeld tregoi se mund të luajë futboll dhe kjo më pëlqeu shumë. U detyruam të bëjmë disa ndryshime në formacion për shkak të mungesave, por ndikoi jo pak edhe lodhja, pasi kohët e fundit jemi përballur me kalendar të ngjeshur dhe udhëtime të gjata. Gjithsesi më pëlqeu jashtë mase besimi i skuadrës se mund t’ia dilte edhe kur ishte në disavantazh të dy golave. Reaguam mjaft mirë në pjesën e dytë dhe mund të them se kjo na jep shijen e fitores, edhe pse morëm vetëm një pikë”, ka thënë Flick.