Trajneri i Bayern Muchen, Hansi Flick kërkon suksesin e trefishtë në sezonin e tij të parë si trajnerët i gjigantëve të Gjermanisë. Pavarësisht fitores 3-0 ndaj Lyon, Flick vlerësoi maksimalisht skuadrën e Rudi Garcias.

“E dinim se do te ishte e vështirë, pasi ata vinin pas paraqitjeve shumë të mira kundër Manchester Cityt dhe Juventusit. Lyoni është një ekip shumë i fortë në aspektin taktik dhe na hapi probleme. E dinim se duhet të mbronim mirë dhe të mos e humbnim topin lehtë, por na ndodhi që e humbëm”, ka thënë Flick për “Sky Sport”.

Më pas tekniku gjerman foli edhe për finalen e së dielës kundër Paris Saint Germain.

“PSG-ja është një ekip i shkëlqyer dhe do analizojmë disa gjëra. E dimë që ata kanë lojtarë shumë të shpejtë. Do shikojmë të organizojmë mbrojtjen, por e dimë që forca jonë më e madhe është vënia në presion e kundërshtarit. Thomas Tuchel është duke bërë një punë shumë të mirë me francezët. E kam vizituar një herë dhe e kam parë që po punon mirë. Tani le të mendojmë për ndeshjen e së dielës”.