Në pikë kalimet kufitare me Serbinë është shtuar koha e pritjeve të kolonave të veturave të bashkatdhetarëve, të cilët po vijnë nga vendet e Evropës Perëndimore për pushime në Kosovë.

Qendra Kombëtare për Menaxhim Kufitar, ka publikuar të dhënat e fundit sa i përket fluksit të automjeteve në pikë kalimet kufitare.

Sipas raportit të orës 14:47 në pikat e kalimit kufitar te Dheu i Bardhë dhe Muçibabë raportohet për pritje të gjata. Në pikën kufitare te Dheu i Bardhë, koha e pritjes për të hyrë në Kosovë është rreth dy orë, ndërsa në dalje është 20 minuta, dhe kolona e veturave në hyrje është 500 metra, ndërsa në dalje 80 metra.

Në pikën kufitare në Muçibabë, koha e pritjes në hyrje është 45 minuta dhe në dalje 10 minuta, ndërsa kolona e veturave në hyrje është 200 metra.

Pritje po ashtu ka edhe në pikë kalimin e Merdares ku për të hyrë në Kosovë duhen 15-20 minuta.

Në pikat tjera kufitare nuk raportohet për pritje të gjata e as kolona të automjeteve.

Në përgjithësi, udhëtarët që planifikojnë të kalojnë nëpër këto pika kufitare duhet të jenë të përgatitur për pritje më të gjata se zakonisht dhe të marrin masa për të minimizuar vonesat e mundshme.