Kosova synon të fitojë grupin në Ligën e Kombeve, ani pse nuk e kanë patjetër të llogariten si favorit. Kështu ka deklaruar të hënën në konferencë për medie numri një i Përfaqësueses së Kosovës në futboll, Franco Foda.

“Ne nuk e kemi qëllim të jemi gjithsesi favoritë të grupit. Qëllimi i parë dhe më i rëndësishëm është pikë së pari ta fitojmë lojën e ardhshme (ndaj Rumanisë). Pastaj, sigurisht se synojmë t’i fitojmë lojërat dhe të jemi të parët në grup”, ka deklaruar Foda.