Përzgjedhësi i Kosovës, Franco Foda një ditë para ndeshjes ndaj Qipros ka thënë se nuk është i kënaqur me vendin e dytë në grup dhe ka premtuar se do të luftojnë për vendin e parë, raporton “Epoka e re”.

“Kundër Lituanisë kemi treguar se jemi ekip i mirë dhe luajmë si një ekip. Me e rëndësishmja është se luajmë së bashku me shumë energji. Kemi mundur të shënojmë më shumë gola. Personalisht nuk jam i kënaqu me vendin e dytë. Duhet të synojmë lartë dhe të luftojmë për vendin e parë në grup”, ka thënë Foda.