Kryetari i Aleancës Kosova e Re (AKR), Behgjet Pacolli, ka njoftuar se fondacioni i tij organizon nga sot e deri në fund të muajit të Ramazanit, iftar në Hajvali.

Përmes një postimi në “Facebook”, Pacolli ka treguar se pjesëmarrja është e lirë për të gjithë pa asnjë procedurë paraprake.

“Të nderuar miq, Fondacioni ‘Behgjet Pacolli’ organizon nga sot e deri në fund të Ramazanit  iftar  masiv ne Hajvali.  Ju ftojmë të ndani me ne gëzimin e iftareve. Pjesëmarrja është e lirë për të gjithë (edhe familjarisht) pa asnjë procedurë paraprake. Ju presim ne Hajvali,  në hallen e tenisit të qendrës ‘Diamond Rezidence”, ka shkruar Pacolli në “Facebook”.