Ish-presidentja e Republikës së Kosovës, Atifete Jahjaga, ka njoftuar se sot Fondacioni “Jahjaga” ka nënshkruar një memorandum bashkëpunimi me Universitetin e Prishtinës.

Sipas saj, ky memorandum është një hap i rëndësishëm për forcimin e partneritetit për zhvillimin e arsimimit, kërkimit shkencor, fuqizimit dhe përgatitjes së studentëve për shumë fusha jetësore.

“Arsimimi është një nga ambasadorët më të fuqishëm në botë andaj bashkëpunimi ynë për zhvillimin e mëtejmë të kësaj sfere është detyrë ligjore dhe morale.

E falënderoj rektorin e Universitetit të Prishtinës, z. Arben Hajrullahu, për gatishmërinë dhe bashkëpunimin. Na priftë e mbara!

Vetëm bashkë arrihen gjërat e mëdha!”, ka shkruar Jahjaga në llogaritë e veta në rrjete sociale.