Liga e Kampionëve do të vazhdojë sonë (e mërkurë) me nëntë ndeshje të tjera mjaftë interesante, derisa po vazhdon rrjedha e fazës së ligës në këtë garë. Vëmendja kryesore do të jetë në stadiumin “Anfield Road”, aty ku Liverpooli në top formë e pret gjigantin spanjoll, Real Madrid.

“Los Blancos” kanë vetëm gjashtë pikë të mbledhura deri më tani dhe fitorja ndaj skuadrës së Arne Slot është një detyrim, derisa Liverpooli ka mbledhur 12 pikë dhe me një fitore do të rrëmbente kreun e tabelës, aty ku momentalisht është Interi me 13 pikë.

Ndeshja nis nga ora 21:00 dhe këto janë formacionet e mundshme:

Liverpool (4-2-3-1): Kelleher; Bradley, Konate, Van Dijk, Robertson; Gravenberch, Mac Allister; Salah, Jones, Diaz; Nunez.

Real Madrid  (4-3-3): Courtois; Valverde, Asencio, Rudiger, Mendy; Modric, Camavinga, Bellingham; Diaz, Mbappe, Ceballos.