Kampioni i Kosovës në futboll, Ballkani do ta nis sot rrugëtimin në garën më prestigjioze të UEFA-së në futboll për klube, Ligën e Kampionëve.

“Portokallinjtë” do të ndeshen sonte me Ludogoretsin që është kampion i Bullgarisë në stadiumin “Fadil Vokrri” në Prishtinë me fillim nga ora 20:45.

Sa i përket formacionit të kampionit kosovar, në portë pritet të debutojë Enea Koliqi, ndërsa sulmit do t’i prijë Albion Rrahmani i mbështetur nga Gripshi dhe Korenica.

Formacioni i mundshëm i Ballkanit: Koliçi; Thaqi, Dellova, Jashanica, Potoku; Emerllahu, Kuç; Korenica, Gripshi, Trashi; Rrahmani.