Këshilli drejtues i Formula 1 ka miratuar së fundi, në një mbledhje në Paris, heqjen e pikës shtesë që i jepet pilotit që realizon xhiron më të shpejtë në një garë.

Kjo masë do të hyjë në fuqi në botërorin e vitit të ardhshëm “Këshilli Botëror ka miratuar disa ndryshime të vogla në rregulloret sportive dhe teknike për vitet 2024 dhe 2025, duke përfshirë heqjen e pikës së dhënë për xhiron më të shpejtë”, thuhet në shënimin e disponueshëm në faqen e internetit të FIA-s.

Në garën e Singaporit bëri bujë zgjedhja e RB për të ndaluar Daniel Ricciardo për t’i dhënë mundësinë për të vendosur xhiron më të shpejtë dhe për t’ia hequr Lando Norris pikën shtesë. Duke lejuar kështu Max Verstappen të ketë një avantazh prej 52 pikësh ndaj britanikut. Prandaj, pika që jepet për xhiron më të shpejtë, i prezantuar në vitin 2019, tashmë do t’i përkasë historisë. Heqja e tij nuk është i vetmi ndryshim i miratuar: Nga sezoni i ardhshëm angazhimet e pilotëve fillestarë në sesionin e parë të provave të lira do të dyfishohen.