Skuadra e Superligës së Basketbollit, Rahoveci, e ka prezantuar trajnerin e ri Fotis Takianos.

Trajneri grek do të jetë pasardhës i Bujar Locit i cili është shkarkuar ditë më parë nga detyra e shefit të shtabit teknik për shkak të rezultateve jo të mira.

“Tekniku me përvojë shumëvjeçare, Takianos, do ta udhëheqë ekipin deri në fund të edicionit. Ai ka drejtuar skuadra të njohura në Evropë, ndërsa kjo do të jetë aventura e dytë në Kosovë. Bashkë me të klubi synon të marrë rrugë të qartë drejt objektivave”, thuhet në njoftimin e KB Rahoveci.

/Epoka e re/