Çmimin e parë të Eurovision 2022 e rrëmbeu Ukraina me këngën “Stefania” nga orkestra Kalusha. Por, teksa populli ukrainas nisi të festonte sadopak për këtë ngjarje historike, Rusia u hakmor duke nisur sulmet dhe bombardimet mbi parkun e punimeve të çelikut Azovstal.

Këtë mëngjes, FighterBomber kanali pro-Kremlinit dhe pro-luftës, postoi disa foto predhash mbi të cilat ishte shkruar teksti i këngës “Stefania”. Forcat ushtarake të Vladimir Putinit duket se janë acaruar shumë me deklaratën e presidentit ukrainas Volodymyr Zelensky, i cili u shpreh se vitin tjetër Eurovision do të zhvillohet në Mariupol.

“Ashtu siç kërkove ti, Kalusha! Për Azovstal. #Eurovision2022. Dëgjova thirrjen për deri në Azov. Ndihmoni Mariupolin. Ndihmo Mariupolin tani” thuhet në mesazhin e shkruar mbi raketa.

Petr Andryushchenko, këshilltar i kryetarit të bashkisë së Mariupolit, ndau imazhet e bombave ruse në kanalin e tij Telegram, ku dënoi forcat e Putinit se kishin ‘humbur humanitetin e tyre’.

Bombat OFAB 250-270, mbi të cilat ishte shkruar teksti i këngës, janë pajisje të fragmentimit me eksploziv të lartë, të krijuara për të shkatërruar objektet ushtarako-industriale, automjete të blinduara dhe grupe të mëdha ushtarësh duke spërkatur një përrua të copëzave të blinduara që shpojnë në një zonë të madhe.

“Ky është reagimi i ushtrisë ruse ndaj fitores sonë në Eurovision 2022. Në Rusi, një shekull pendimi do të pasojë humbjet”, ka thënë kryebashkiaku.