Ministri i Financave, Bedri Hamza, ka pritur të mërkurën në takim një delegacion francez të kryesuar nga drejtoresha për Evropën Kontinentale në Ministrinë e Punëve të Jashtme të Francës Florence Mangin.

Hamza dhe Mangin kanë diskutuar në lidhje me zhvillimet në fushën financiare si dhe për ndihmën e ofruar nga shteti francez për Kosovën.

Ministri Hamza e ka njoftuar drejtoreshën Mangin për ecuritë buxhetore dhe stabilitetin makrofiskal si dhe e falënderoi për përkushtimin e Qeverisë franceze ndaj Kosovës për ndihmën në projekte zhvillimore që përmirësojnë mirëqenien dhe jetën e qytetarëve të saj.

Ndërsa drejtoresha për Evropën Kontinentale në Ministrinë e Punëve të Jashtme të Francës, Florence Mangin e ka falënderuar ministrin Hamza për pritjen dhe ka shprehur gatishmërinë për vazhdimin e përkrahjes së shtetit francez ndaj institucioneve të Kosovës, si për rritjen e bashkëpunimit ekonomik dhe politik ndërmjet dy vendeve.

/Epoka e re/