Të paktën 40 mijë oficerë policie janë vendosur në të gjithë Francën për t’u marrë me protestat e shkaktuara nga vrasja e një 17-vjeçari nga policia.

Ministri i Brendshëm, Gerald Darmanin, ka bërë me dije se sonte do të mobilizohen 40 mijë oficerë në të gjithë Francën.

“Dje, vetëm 9 000 u vendosën. Megjithatë, gjendja e jashtëzakonshme nuk pritet të shpallet”, ka thënë ai.

Adoleshenti, i quajtur Nahel M është qëlluar në distancë, pasi ai ka refuzuar të ndalej me veturë në një pikë kontrolli dhe u largua.

Të paktën 180 persona janë arrestuar pas një nate të dytë trazirash, ndërsa 170 oficerë u plagosën, ka thënë ministri i Brendshëm francez, raporton “BBC”.

Në Nanterre, ku është qëlluar Naheli, po zhvillohet një marshim i organizuar nga nëna e adoleshentit në kujtim të tij.

Oficeri i policisë që ka qëlluar adoleshentin është vënë nën hetim zyrtar për vrasje me dashje.

Presidenti francez, Emmanuel Macron, ka mbajtur një takim krize dhe e ka dënuar dhunën në rrugë.