A mund ta quajmë talent të shkuar dëm një lojtar që ka shënuar rreth 150 gola në karrierën e tij, fitoi një La Liga, një Serie A dhe dy Superkupa të Italisë? Po nëse emri është Antonio Cassano, i cili mund t’i kishte dhënë shumë më tepër futbollit botëror.

Kjo është të paktën ajo që mendon “France Football”, revista sportive franceze që shpiku “Topin e Artë” dhe akoma e jep atë çdo vit. Ajo ka përpiluar renditjen e dhjetë talenteve më të shkuar dëm në historinë e futbollit. Sipas revistës franceze, këta lojtarë mund të kishin dhënë shumë më tepër por, përkundrazi, kanë pasur një karrierë të përzier. Antonio Cassano është në vendin e parë. “France Football” i kujton ish-talentit barez shansin e dështuar te Real Madridi, grindjet me Capellon etj. Përmendet, gjithashtu, një pasazh nga autobiografia e Tottit, e cila e përcakton Cassanon si lojtarin më të fortë me të cilin ka luajtur ndonjëherë.

Në vendin e dytë të kësaj renditjeje speciale është një tjetër njohje e vjetër e Serisë A, Paul Gascoigne. Në vendin e tretë, Stan Bowles, rekordmen i paraqitjeve me QPR në vitet ’70. Në këtë klasifikim ka edhe ish-lojtarë të tjerë të Serisë A, të tillë si Andry van der Meyde dhe Adriano Leite Ribeiro.

Lista e 10 talentëve më të mirë, të shkuar dëm, sipas “France Football”

1. Antonio Cassano
2. Paul Gascoigne
3. Stan Bowles
4. Antonio Valentin Angelillo
5. Dimitar Berbatov
6. Rashidi Yekini
7. Mario Basler
8. Nicolas Anelka
9. Andy Van der Meyde
10. Adriano