Francesco Tomada ka lindur në vitin 1966 dhe jeton në Gorizia. Koleksioni i tij i parë, “L’infanzia vista da” (Fëmijëria e parë nga këtu) u botua në vitin 2005 dhe në vitin 2007 fitoi çmimin kombëtar “Beppe Manfredi” për punën më të mirë. Tekstet e tij janë botuar në anglisht, frëngjisht, sllovenisht, sllovakisht dhe në gjuhë të tjera.

1.

* * *

Nëse ajo që po përjetojmë është dashuri

të kërkojmë çfarë ka përtej saj

sepse ne u betuam në dy gjëra

e para: do të jemi besnikë jo për detyrë

por për vullnet

e dyta: të pajtosh

është sikur të tradhtosh

2.

* * *

Gjiri yt ma mbush tamam grushtin e dorës

sot i kam gishtat e prerë dhe plot spira druri

dhe është një kompliment që më frikëson

dhe nuk mund ta them: trupi yt ka formën e dhimbjes sime

(Përktheu nga italishtja, për revistën “Akademia”, Leonora Buçinca)