Apeli i Gjykatës së Posaçme kundër Korrupsionit dhe Krimit të Organizuar në Shqipëri, ka lënë në fuqi masën e “arrestit me burg” për kryebashkiakun e zgjedhur të Himarës, Fredi Beleri.

Kjo ishte hera e 12-të që Belerit i refuzohej zbutja e masës së sigurisë.

Po ashtu mësohet se seanca u shty me një orë, pasi munguan avokatët e Belerit.

Beleri kishte kërkuar përjashtimin nga çështja të gjyqtares së Apelit të GjKKO, Daniela Shirka.

Kujtojmë se Beleri akuzohet për blerje votash në zgjedhjet e 14 majit.