Shkruan: Daut Dauti

Këto ditë, kur gjendemi të ngujuar në ambiente të mbyllura, është mirë të shohim natyrë dhe gjelbërim. Këto fotografi me pamje të bukura janë nga fshati Kokaj, i cili dikur ka pasur rreth 40 shtëpi të banuara me shumë njerëz kurse sot ka vetëm dy apo tri. Banorët janë shpërngulur për të jetuar në qytete të ndryshme të Kosovës, Serbisë e Maqedonisë por edhe në botë ku jetojnë në banesa dhe shtëpi shpesh pa oborre.

Në dy fotografitë e para, bardh e zi, shihet shtëpia ku kam lindur. Fotografinë e kam bërë në vitin 1979 kur për disa vite ka qenë e pabanuar.

Sot nuk ekziston as themeli saj pasi që është rrënuar para disa viteve. Pamje surreale që është e njëjtë me shumë fshatra malore të Kosovës që tani më janë braktisur pothuaj përfundimisht.